اسلام آباد ۔ 01 فروری(اے پی پی) د اطلاعات او خپرونو وفاقي وزير چوهدري فواد حسېن وئيلي دي پاکستان د کشمیری اولس د هڅو پخوا هم ملاتړ كولو او بيا به هم كو ي۔ تر كومې چې كشميري اولس ته د خپلواكۍ منزل نه وي ترلاسه دا ملاتړ به دغسې روان وي۔ د كشمير په اړه هندي رويې ته په ټوله نړۍ كښې سپك كتلې شوي ۔ عمر فاروق او محبوبه مفتي هم په دې وئيلو مجبور شوي چې كشميريان د پاكستان سره مينه لري۔ د دې خيالاتو څرګندونه ده د جمعې په ورځ ايوان قائد كښې د نظريه پاكستان كونسل او پاكستان آبزرور ګډې كنفرنس ته وكړه۔ کانفرنس ته د آزاد جموں او کشمیر اولس مشر سردار محمد مسعود خان او نورو مهمو شخصياتو هم خطاب وكړو۔ د اطلاعات وفاقي وزير خپل خطاب كښې ووئيل د کشمیری اولس هلې ځلې د نسلونو هڅې دي۔ او څنګه چې په كشمير كښې د نسلونو نههلې ځلې راروانې دي٬ دغسې پاكستان كښې هم كشميريانو لپاره زمونږ هڅې د نسلونو څخه دوام لري ۔ ده ووئيل مونږ كشمير سره تړون د زمكې نه د وينې او روح لرو۔ زمونږ وينه هم كشميريي اولس سره شرېكه ده۔ ده ووئيل د پاكستان هند سره د كشمير په مسئله بنيادي نقطه د نظر فرق دے۔ ده ووئيل موجوده حكومت كشمير كاز سره مخلص دے۔ وفاقي وزير ووئيل مونږ هند سره غوره اړيكې غواړو ولې په دې لار كښې تر ټولو لوئې خنډ د هند سوچ دے او هغه په هر حال كشميرې اولس خپل غلام ساتل غواړي ولې د ظلم خو آخر يو حد وي او كله چې ظلم زياتېږي نو ختمېږي۔ ده ووئيل پاکستان د کشمیری اولس د هڅو پخوا هم ملاتړ كولو او سباؤن كښې به هم كوي۔ ده ووئېل تر څو چې كشميري اولس ته د خپلواكۍ منزل ترلاسه نه وي دا ملاتړ به دغسې روان وي۔كنفرنس كښې د مراكش٬ ملائیشیا، ترکيه او آذربائیجان سفيرانو او كشميري مشرتابه هم ګډون كولو
پاکستان د کشمیری اولس د هڅو پخوا هم ملاتړ كولو او بيا به هم كوي
پاکستان د کشمیری اولس د هڅو پخوا هم ملاتړ كولو او بيا به هم كوي | APP Pashto service
