اسلام آباد 09 اګست (اے پي پي) د پاكستان تحريك انصاف وياند فواد چوهدري وئېلي دي په كراچۍ كښې د شاه محمود قرېشي او جهانګير ترين ملاقات د جي ډي اے غړو سره شوې٬ د اتحاديانو ګډون سره په قامي اسمبلۍ كښې زمونږ شمېره 180 او پنجاب كښې 186 ته رسېدلې ده ۔په بني ګاله كښې د محمود خان سره يوازې خبريالانو سره په خبرو كښې ده ووئيل كه 170 غړي عمران خان وټاكي نو د دوهم راؤنډ ضرورت نشته٬عمران خان به په وړومبي راؤنډ كښې وزيراعظم وټاكلې شي۔ده ووئيل عمران خان به په وزيراعظم هاؤس كښې پاتې كېږي يا په كوم بل ځاې كښې٬په دې اړه مشوره روانه ده۔ ده ووئېل په بني ګله كښې د پاتې كېدو په نتيجه كښې د امنيت او تګ راتګ ستونزې پیدا كېدې شي٬وياند ووئيل د اګست په 13مه نېټھ به د قامي اسمبلۍ غونډه رابللې شي او عمران خان به د اګست په 16مه يا 17مه نېټھ سوګند اخلي۔ده ووئيل د نړيوالو مشرانو لخوا عمران خان ته د مباركۍ پیغامونه راروان دي۔د ډېرو هېوادونو سفيرانو عمران خان سره ملاقات كړی٬نړيوال مشران عمران خان سره كار كولو ته تيار دي۔وياند ووئيل په اندروني سندھ او كراچۍ كښې د تحريك انصاف مېنډېټ ډېر مهم دے٬تحريك انصاف به د كراچۍ او سندھ خلا تر سره كړي۔ده ووئيل عمران خن د وزيراعلٰی او سپيكر نومونه فائنل كړي۔د ټاكنو كميسون د رولز له مخې پھ 21 ورځو كښې دننه سوګند پورته كول وي كوم چې ممكن نه ښكاري۔په دې موقع د پاكستان تحريك انصاف لارښود او خېبرپښتونخوا لپاره نومول شوي وزيراعلٰی محمود خان ووئيل عمران خان سره په ښه ماحول كښې ملاقات شوې۔په مېډيا چې كومې مفروضې چلېږي هغه غلطې دي۔ده ووئيل زمونږ حكومت به اولس ته پام كوي او په اولس به سرمايه خرڅ كوي۔ده ووئيل الله تعالٰی ماته زما د حېثيت نه زيات دولت راكړی او زما په نزد د 18 لكه روپو هېڅ حېثيت نشته٬ د اتلس لكه روپو غلا كولو تور بې بنسټھ دې۔ده ووئيل مالاكنډ ټېكس فري زون دے او هلته چې د كوم جائيداد ذكر كولې شي هغه جائيداد زما نه خانداني جائېداد دې۔ده ووئيل وړاندې مو هم وئېلي دي د تحريك انصاف چيئرمېن عمران خان چې په چا باور وكړي هغه به په صوبه كښې زمونږ لارښود وي
د اتحاديانو ګډون سره په قامي اسمبلۍ كښې زمونږ شمېره 180 او په پنجاب كښې 186 ته رسېدلې
د اتحاديانو ګډون سره په قامي اسمبلۍ كښې زمونږ شمېره 180 او په پنجاب كښې 186 ته رسېدلې | APP Pashto service
