اسلام آباد 07 مئي (اے پي پي) د روغتيا پارلماني سېكرټري ډاكټر نوشين حامد وئيلي دي حكومت د كورونا واكسين لګولو رجسټرېشن زياتولو لپاره د نوې ډېټا انټري عملې زياتولو سره سره د واكسين مركزونه هم زياتوي ، كوم خلق چې واكسين لګولو لپاره جوګه دي، هغوي دې خپل ځان رجسټر كړي. د جمعې په ورځ نجي ټي وي چېنل سره په خبرو كښې هغې ووئيل حكومت د روان كال تر پاې 80 فيصده آبادې ته د كورونا واكسين لګولو هدف ټاكلے كوم به چې په هر صورت پوره كولے شي. هغې ووئيل په ټول هېواد كښې په لويه پېمانه د واكسين مركزونه پرانستلے كېږي. د واكسين لګولو مقصد اولس د كورونا وائرس نه بچ كولو سره سره د دې وبا مخ نېوې كول دي. هغې ووئيل په پاكستان كښې هره ورځ دوه لكه كسانو ته واكسين لګولے كېږي. هيله ده چې په راتلونكو يو څو ورځو كښې به دا شمېره 8 لكو ته ورسيږي . هغې ووئيل مثبت پېشرفت دا دے چې اوس خلق په لويه شمېره خپل ځان واكيسن لګولو لپاره رجسټر كوي. هغې اولس ته خواست وكړو چې اختر دې په سادګۍ ولمانځي، په اېس او پيز د عمل نه كولو په صورت د كورونا كېسونه زياتېدې شي.
كوم خلق چې واكسين لګولو لپاره جوګه دي، هغوي دې خپل ځان رجسټر كړي. ډاكټر نوشين حامد
كوم خلق چې واكسين لګولو لپاره جوګه دي، هغوي دې خپل ځان رجسټر كړي. ډاكټر نوشين حامد | APP Pashto service
