اسلام آباد – 12 – ڊسمبر (اي پي پي) صدر ڊاڪٽر عارف علوي معاشري مان خصوصي ماڻهن جي خلاف امتيازي سلوڪ ختم ڪرڻ جي لاءِ قومي ۽ صوبائي سطح تي هڪ ٺوس آگاهي مهم جي ضرورت تي زور ڏيندي چيو آهي ته اُجرت ڏيندڙ خصوصي ماڻهن جي معذوري کي نظر ۾ رکندي خصوصي نوڪريون پيدا ڪن ته جيئن انهن جي مڪمل صلاحيتن کي استعمال ۾ آڻي سگهجي. ايوان صدر جي پريس ونگ موجب صدر اهڙن خيالن جو اظهار نادرا چيئرمين محمد طارق ملڪ پاران ايوان صدر ۾ معذور ماڻهن جي رجسٽريشن بابت بريفنگ دوران ڪيو. هن چيو ته تربيتي ادارا خصوصي ماڻهن جي شموليت جي لاءِ قدم کڻن، خصوصي نصاب ۽ ٽيڪينڪ جوڙين، سڄي پاڪستان ۾ خصوصي ماڻهن جي معذوري جو جائزو وٺڻ جي لاءِ ميڊيڪل بورڊ جي ٽرمز آف ريفرنس ۽ طريقيڪار کي هڪ جهڙو هجڻ گهرجي، هن تعليمي ادارن ۾ خصوصي ماڻهن سان بنا ڪنهن فرق جي سلوڪ ۽ مڪمل پهچ ڏيڻ تي پڻ زور ڏنو. صدر معذور ماڻهن جي نادرا ۾ رجسٽريشن ۽ سڃاڻپ ڪارڊ جاري ڪرڻ، صحت جي سهولتن جي فرهامي، انهن جي معذوري جي سطح ۽ انهن جي نوعيت جو اندازو لڳائڻ جي لاءِ هڪ جهڙي، ٺوس سهولت جي ضرورت تي زور ڏيندي چيو ته خصوصي ماڻهو معاشري جا انتهائي برابر ميمبر آهن ۽ انهن جي شموليت هڪ مضبوط ۽ صحتمند معاشري جي ترقي لاءِ ضروري آهي. صدر ڊاڪٽر عارف علوي چيو ته اُجرت ڏيندڙن کي گهرجي ته اهي خصوصي ماڻهن جي معذوري کي نظر ۾ رکن ۽ انهن جي لاءِ خصوصي نوڪريون پيدا ڪرڻ سان گڏوگڏ انهن کي معاون ٽيڪنالاجي فراهم ڪن ته جيئن انهن جي مڪمل صلاحيتن کي استعمال ۾ آڻي سگهجي. صدر خصوصي ماڻهن کي مفت خدمتون فراهم ڪرڻ، انهن جي لاءِ خصوصي ڪائونٽرز قائم ڪرڻ ۽ انهن جي لاءِ سمورين خدمتن جي لاءِ سڄي ملڪ ۾ پنهنجي ڪيترن ئي مرڪزن ۾ بنا ڪنهن رڪاوٽ جي پهچ پيد ڪرڻ تي نادرا کي ساراهيو. صدر مختلف سطحن تي خصوصي ماڻهن جي لاءِ پيش ڪئي ويندڙ مختلف مراعتن ۽ اسڪيمن بابت آگاهي پيدا ڪرڻ جي ضرورت تي پڻ زور ڏنو، جن ۾ خصوصي ماڻهن جي لاءِ بينظير انڪم سپورٽ پروگرام تحت وظيفو، ميٽرو بس سروس، بي آر ٽي پشاور، ريلوي ۽ پي آءِ اي ۾ رعايت شامل آهي، خصوصي ماڻهو انهن خدمتن فائدو کڻي سگهن ٿا ۽ پنهنجي صلاحيت کي وڌائي سگهن ٿا. صدر نادرا پاران جووينائل ڪارڊ جاري ڪرڻ کي پڻ ساراهيو ۽ 5 کان 9 سالن جي عمر جي خصوصي ماڻهن جي لاءِ پلاسٽڪ تي ٻڌل ڪارڊ ٺاهڻ جي ضرورت تي زور ڏنو جيڪا خصوصي ماڻهن جي لاءِ ڪارائتا هوندا ۽ انهن کي رکڻ آسان هوندو. هن چيو ته معذور ماڻهن جي سهولت لاءِ نادرا پاران تيار ڪيل بهترين طريقن ۽ انهن کي خدمتون فراهم ڪرڻ جي لاءِ ٻين وفاقي ادارن جي بهترين طريقن کي سمورن صوبن سان هر سطح تي شيئر ڪرڻ گهرجي ته جيئن انهن کي بهتر سهولتون فراهم ڪري سگهجن. هن اٽڪل 6 لک رجسٽرڊ معذور ماڻهن جي رڪارڊ کي برقرار رکڻ تي نادرا کي ساراهيو. هن چيو ته ان تناسب کي وڌائڻ جي ضرورت آهي. صدر خصوصي ماڻهن کي مفت خدمتون فراهم ڪرڻ، خصوصي ڪائونٽرز قائم ڪرڻ تي نادرا کي ساراهيو. صدر نادرا ۾ رجسٽريشن ۽ سڃاڻپ ڪارڊ جاري ڪرڻ سميت ٻين سهولتن جي هڪ جهڙي ۽ ٺوس فراهمي جي ضرورت تي زور ڏنو ۽ چيو ته خصوصي ماڻهو معاشري جا برابر ميمبر آهن، انهن جي شموليت مضبوط ۽ صحتمند معاشري جي لاءِ ضروري آهي.
متعلقہ مضامین
-
Army captain martyred in clash with terrorists
-
Afridi urges UN to provide security to HR groups working in India
-
Punjab DG ACE dismisses 12 people from service
-
Pakistan cautions world against disturbing rise in Islamophobia
-
Government to start registration of seminaries from Oct 5
-
GB govt decides against seeking army’s help for conducting polls
-
India’s Covid-19 death toll passes 100,000 with no sign of an end
-
DPO Kasur relinquishes post to attend NIPA course
-
FIA to approach Interpol for extraditing Nawaz Sharif’s close aide
-
Ahmadi Professor shot dead in Peshawar allegedly after religious argument
-
Youth are backbone of any nation: Rehman Malik
-
Kashmiris bear the brunt of Indian military blockade amid coronavirus