اسلام آباد۔19فروری(اے پی پی) د اطلاعاتو ٬ خپرونو او پارليماني چارو نګران وفاقی وزیر مرتضیٰ سولنګی د سينيټ هاؤس بزنس اېډوائزري كميټۍ غونډه كښې ګډون وكړو۔ د سينيټ چيئرمېن او د سينيټ غړو د سينيټ غونډو په كولو كښې د كردار په ترسره كولو د نګران حكومت او د پارليماني چارو وزير مننه وكړه۔ په دې موقعه د سينيټ چيئرمېن صادق سنجراني ووئيل چې نګران وفاقي وزير مرتضیٰ سولنګی د سينيټ غونډو په بشپړه ډول كولو كښې مهم كردار ترسره كړے۔ ده د سېنېټ د غړو پوښتنې غور سره اورېدلې او د هغې يۍ بشپړ ځوابونه كړي او په دې مونږ د هغه مننه كوؤ۔ د اطلاعاتو نګران وفاقي وزير په دې موقعه خپلو خبرو كښې ووئيل د نګران حكومت بنيادي ذمه واري په هېواد كښې آزادې ٬ بې پرې او عادلانه ټاكنې كول وو٬ دې مقصد لپاره مو ټولو سياسي ګوندونو سره د يو ډول اړيكو ساتلو هڅه وكړه۔ كوم هم ګوند سره په فرق سلوك ونكړے شو۔ ده نګران حكومت سره په هره ممكنه مرسته كولو د سېنېټ چيئرمېن او د غړو مننه وكړه۔
د نګران وفاقی وزیر مرتضیٰ سولنګی د سينيټ هاؤس بزنس ايډوائزري كميټۍ غونډه كښې ګډون ٬ د سينيټ چيئرمين او غړو د سينيټ غونډو په كولو كښې د نګران حكومت او د پارليماني چارو وزير كردار وستائلو
د نګران وفاقی وزیر مرتضیٰ سولنګی د سينيټ هاؤس بزنس ايډوائزري كميټۍ غونډه كښې ګډون ٬ د سينيټ چيئرمين او غړو د سينيټ غونډو په كولو كښې د نګران حكومت او د پارليماني چارو وزير كردار وستائلو | APP Pashto service
