اسلام آباد 15 نومبر (اے پي پي) د افغانستان د لارې د مېنځنۍ آسياء هېوادونو ته د پاكستان برآمدات د 118 مېليونه ډالرو نه په زياتېدو 202 مېليونه ډالرو ته رسېدلې دي٬ په تجارت كښې د شته خنډانو او د عدم توازن باوجود دوه اړخيزه او د ټرانزټ ټرېډ د لارې د پاك افغان تجارت حقيقي صلاحيت مخ په وړاندې بوتللو لپاره لا ډېر څه كېدے شي۔ دا خبره ډائريکټر آمنه خان د انسټي ټيوټ آف سټريټيجك سټډيز اسلام آباد (آئي اېس اېس آئي) كښې د ” پاك افغان اقتصادي اړيكو: د نوو امكاناتو پېل” په سرخط وېبينار ته خپلې وېنا كښې وكړه ۔ انسټي ټيوټ آف سټريټيجك سټډيز اسلام آباد كښې د سنټر فار افغانستان، مډل ايسټ اينډ افريقه تر سېوري لاندې وېبينار ته په مقررينو كښې افغانستان لپاره د پاكستان پخوانې سفير منصور احمد خان، د افغانستان سفارت ناظم الامور سردار احمد شکيب، د بورډ آف انويسټمنټ چيئرمېن هارون شريف، عدنان جليل، هاشم پشتون او نور شامل وو۔ د ويبنار انتظام سنټر فار افغانستان، مډل ايسټ اينډ افريقه (کيميا) ډائريکټر آمنه خان كړے ؤ ٬ د آئي اېس اېس آئي ډائريکټر جنرل پخواني سفير اعزاز احمد چوهدري، او د بورډ آف ګورنرز چيئرمېن پخواني سفير خالد محمود هم په وېبينار كښې ګډون كولو ۔ آمنه خان ووئيل په بيړه بدلېدونكې نړۍ د جغرافيائي سياست څخه جيو اكنامكس پلو منتقل كېږي٬ سيمه ايز اقتصادي انضمام او سيمه ايزو روابطو ته اهميت ترلاسه شوے ، د افغانستان او پاکستان ترمېنځه ځانګرې اړيكې قائم دي ٬ دواړه هېوادونه دوه اړخيزه او د ټرانزټ ټرېډ د لارې تجارت او د اقتصادي موقعو پحقله د يو بل مرسته كوي٬ اګست كال 2021 راهسې د دواړو هېوادونو ترمېنځه تجارتي هلې ځلې زياتې شوي٬ پاكستان ته د افغانستان برآمدات 550 مېليونه څخه 700 مېليونه ډالرو ته رسېدلے دے او د دې سبب د پاكستان لخوا دوه اړخيزه مرسته او په تجارت كښې مراعات٬ د افغان سكرو اغستل زياتېدل او په طورخم كښې فعاله انټيګرېټډ ټرانزټ ټريډ منيجمنټ سسټم جوړېدل دي
د افغانستان د لارې د مېنځنۍ آسياء هېوادونو ته د پاكستان برآمدات د 118 مېليونه ډالرو نه 202 مېليونه ډالرو ته رسېدلي ۔ د آمنه خان په آئي اېس اېس آئي كښې وېبينار ته وېنا
د افغانستان د لارې د مېنځنۍ آسياء هېوادونو ته د پاكستان برآمدات د 118 مېليونه ډالرو نه 202 مېليونه ډالرو ته رسېدلي ۔ د آمنه خان په آئي اېس اېس آئي كښې وېبينار ته وېنا | APP Pashto service
