اسلام آباد 16 اپرېل (اے پي پي) وزيراعظم محمد شهبازشريف وئيلي دي سعودي عرب په هره سخته كښې تل د پاكستان ملګرتيا كړې٬ پاكستان په شريك تجارت او د سرمايه كارۍ په څانګو كښې مرستې ته وده وركول غواړي، د سعودي خارجه وزير په مشرۍ كښې د پلاوي دورې سره د پاك سعودي ستراتېژك او تجارتي شراكتدارۍ نوے دور پېل شو۔ د نهې په ورځ د وزيراعظم آفس ميډيا ونګ لخوا د جاري بيان له مخې د سعودي خارجه وزير شهزاده فېصل بن فرحان السعود په مشرۍ كښې پلاوي شهباز شريف سره په وزيراعظم هاٶس كښې ملاقات وكړو۔ په دې موقع د سعودي خارجه وزير فېصل فرحان السعود د پاكستان او سعودي اړيكې قوي كولو او تجارتي او د سرمايه كارۍ شركتدارۍ ته لا وده وركولو لپاره د سعودي د عزم پخلے وكړو ۔ د سعودي په پلاوي كښې تجارت او سرمايه كارۍ لپاره نائب وزير انجينئر ابراهيم بن يوسف المبارك، د ماحوليات ٬ د آبي وسائلو او كر كېلې وزير انجنيئر عبدالرحمن بن عبدلامحسن آلفضلي، د صنعت او معدني وسائلو وزير انجنيئر بندر بن ابراهيم بن عبدالله آلخريف او د سعودي لوړ پوري او سفارتي اهلكار شامل وو٬ په دې موقع وفاقي وزيران اسحاق ډار، خواجه محمد آصف، سيد محسن رضا نقوي، جام کمال خان، رانا تنوير حسېن، عبدالعليم خان، ډاکټر مصدق ملك، سردار اوېس خان لغاري، د منصوبه بندۍ دوهم چيئرمېن محمد جهانزېب خان، د قامي اسمبلۍ غړې رومينه خورشيد عالم او حكومتي چارواكي هم موجود وو۔ په دې موقع وزيراعظم د پلاوي پاكستان ته د راتګ هركلے وكړو او د سعودي قيادت خادم الحرمين شريفين سلمان بن عبدالعزيز آل سعود او شهزاده محمد بن سلمان آل سعود لپاره ئې د نيكو هيلو د هيلو څرګندونه وكړه۔ په دې موقع وزيراعظم د سعودي پلاوې په پاكستان كښې د سرمايه كارۍ د پراخه استعداد په اړه خبر كړو۔
سعودي عرب په هره سخته كښې د پاكستان ملګرتيا كړې٬ پاكستان شريك تجارت او د سرمايه كارۍ په څانګو كښې مرستې ته وده وركول غواړي۔ وزيراعظم محمد شهبازشريف
سعودي عرب په هره سخته كښې د پاكستان ملګرتيا كړې٬ پاكستان شريك تجارت او د سرمايه كارۍ په څانګو كښې مرستې ته وده وركول غواړي۔ وزيراعظم محمد شهبازشريف | APP Pashto service
