اسلام آباد۔29نومبر(اے پی پی) صدر ډاكټر عارف علوي بېنك فراډ سره مخ شوو وګړو ته د 344,600 روپو بېرته وركولو هدايت كړے دے۔ په دې اړه صدر مملكت د بېنكنګ محتسب حكم په برقرا ساتلو سره د الائيډ بېنك اپيل مسترد كړے دے۔ د شورؤ په ورځ د ايوان صدر پرېس ونګ لخوا د جاري شوي بيان له مخې صدر مملکت ووئيل د الائیډ بېنک د يو صارف اکاؤنټڅخه 344,602 روپۍ د فراډ د لارې وويستلې شوي ۔ بېنك د صارف د خوښې نه پرته د فنډ په منتقل كولو بد انتظامي كړې ۔ صدر مملكت د بېنکنګ محتسب د پرېكړې په ضد د الائیډ بېنک په دائر كړي درخواست پرېكړه اورولو كښې ووئيل بېنک د قانونی ذمه ورۍ په ترسره كولو كښې ناكامه راغلے۔ ده ووئيل شكايت كونكي ته بېنك هېلپ لائن سره مشابهت لرونكے فون كال راغلے او د كال څخه وروستو د دهاکاؤنټ څخه د 344,602 روپو رقم منتقل كړے شوے۔ ډاکټر عارف علوی ووئيل صارف دې څخه وړاندې كله د آن لائن چېنلز د لارې لېن دېن نه دې كړے۔ د تفصیلات له مخې امیر علی وسان فراډ سره له مخ كېدو فوري وروستو شكايت درج كړو په كوم چې غور ونه كړے شو۔ په دې هغه بېنکنګ محتسب ته رجوع وكړه۔ محتسب بېنك ته د روپو بېرته وركولو هدايت وكړو۔ په دې بېنك د محتسب د پرېكړې په ضد صدر ته اپيل وكړو۔ صدر په ذاتي توګه د كېس اورېدنه وكړه او د بېنك اپيل يۍ مسترد كړو۔ صدر مملكت ووئيل بېنک د ادائیګۍ نظام او د الېکټرانک فنډز ټرانسفر اېکټ 2007 سېکشن 41 له مخې د متنازعه لېن دېن قانوني حېثيت ثابتولو كښې ناكامه راغلے۔ په يوه ورځ كښې په لږ وخت كښې دغه رقم منتقل كړے شو۔ ده ووئيل د رقم منتقل كولو په وخت بېنك سسټم بايد الرټ شوے وے٬ صارف ته كال شوے ؤ۔ صدر مملكت ووئيل بېنكونه بايد دې پلو پام وګرځوي۔ زياتره عام وګړي د ډیجیټل بینکنګ ، او په عصري ټېكنالوجۍ اډانه بېنكنګ مصنوعات څخه واقف نه دي۔ صدر مملكت ووئيل بېنک آن لائن چېنلز سره په اړوند قوانين او د سټېټ بېنك په هدايات عمل كولو كښې ناكامه راغلے۔ صدر مملکت د بېنك اپيل مسترد كولو سره هدايت وكړو چې بېنك دې په 30 ورځو كښې دننه بېنكنګ محتسب ته د تعميل رپورټ جمع كړي۔
صدر مملكت بېنك فراډ سره مخ شوو وګړوته د خپلو روپو بېرته وركولو سپارښتنه ٬ د بېنك اپيل يۍ مسترد كړو
صدر مملكت بېنك فراډ سره مخ شوو وګړوته د خپلو روپو بېرته وركولو سپارښتنه ٬ د بېنك اپيل يۍ مسترد كړو | APP Pashto service
