اسلام آباد۔16مارچ (اے پی پی) د داخله چارو وفاقي وزير محسن نقوي د شمالي وزيرستان په مير علي سيمه كښې په امنيتي پوسته د ترهګرو بريد سخته غندنه كولو سره د لېفټېننټ کرنل سید کاشف علی، کېپټن محمد احمد بدر په شمول شهيد شويو 7 ځوانانو ته عقيدت پېرزوينې وړاندې كړې دي۔ د خالي په ورځ د داخله وزارت لخوا په جاري شوي بيان كښې محسن نقوي د ترهګرو په بريد كښی د پاك پوځ د مېړنو فرزاندو په شهادت د غم دړد او افسوس څرګندونه كړې ده۔ ده وئيلي چې د ګران هېواد امن لپاره د خپلو ځانونو قربانۍ وركوؤنكو د پاك پوځ شهيدانو ته د عقيدت پېرزوينې وړاندې كوؤ۔ ده ووئيل د ترهګرۍ په ضد جنګ كښې ټول قام يو موټے دے او وسله والو ځواكونو سره څنګ په څنګ ولاړ دے۔ ده ووئيل زمونږ ټولې خواخوږۍ د شهيدانو غمجنيو كورنيو سره دي او مونږ د غم په دې وخت كښی هغوي سره يوؤ
داخله وزير محسن نقوي په مير علي كښې په امنيتي پوسته د ترهګرو بريد وغندلو
داخله وزير محسن نقوي په مير علي كښې په امنيتي پوسته د ترهګرو بريد وغندلو | APP Pashto service
