اسلام آباد 31 جنوري (اے پي پي) صدر مملكت ډاكټر عارف علوي په هېواد كښې د مطالعې ودې لپاره كال 2021م لپاره لس غوره كتابونه اولس ته تجويز كړي۔د اتوار پھ ورځ په خپل وېډيو پیغام كښې صدر مملكت ډاكټر عارف علوي ووئيل چې بايد د پاكستان ځوان نسل او اولس د مطالعې عادت خپل كړي٬ د كتابونو لوستې سره د انسان نقطه نظر پراخا شي او په خپلو تعصباتو قابو موندلو كښې مرسته كېږي٬زه خپل ترلاسه كړې علم د خپلو تقريرونو د لارې اولس ته د رسولو هڅھ كوم او د اوسنيو حالاتو او د كمپيوټر سائنس په اړه كتابونه لولم۔ده ووئيل چې مونږ ته په هېواد كښې د كتاب لوستلو شوق ته د ودې وركولو ضرورت دې۔ده ووئيل چې خلك دې د دې كتابونو لوستې سره سره د نورو كتابونو مطالعه هم وكړي۔ ده ووئيل چې د حضرت محمد (ص) د سيرت طيبه او قرآني احكاماتو په اړه محمد(ص)Revelation غوره كتاب دے چې ليكوال يې معراج محي الدين دے۔ کیپټل اینډ آډیالوجی تھامس پکیټی ليكلے دے. په دې كتاب كښې مصنف د امير او غريب فرق د شمېرو د لارې بيان كړے. دا كتان د ګس اړخ نظرياتو ته نزدے دے. ده ووئيل چې په مساوات محمدي كښې دا خبره په نظر كښې ساتلې شي چې د غريب او امير ترمېنځه فرق نه وي. په پاكستان كښې د غريب او امير ترمېنځه فرق ختمولو لپاره د سياسي پرېكړو كولو ضرورت دے. ده ووئيل چې Anarchy د ویلئیم ډیلرمپل تصنیف دے، په دې كښې د هندوستان معاشي صورتحال بيان كړے شوے. يو وخت و چې د هندوستان معيشت د نړۍ تر ټولو لوي معيشت و. ده ووئيل چې د جېرډ ائمنډ په كتاب Upheavel كښې د بېلا بېلو هېوادونو او قومونو د عروج او زوال ذكر دے چې څنګه هېوانو او قومونو د بحرانونو مقابله كړې او رامخې ته كېدو سره د نړۍ په وړاندے راغلي. په دې كتاب كښې د روسيې او فن لېنډ حوالې هم وركړې شوې دي. Why Nations Fail د ډېرن اېسي موګلو او جېمز راهنسن كتاب دے. په دې كتاب كښې تاريخي تدريجي عمل بيان كړے شوے. په دې كښې د ټولنې د استحصال احاطه شوې. په پاكستان كښې هم د كرپټ واكمنو او استحصالي نظام په ضد هڅې روانې دي. ده ووئيل چې The Metric Society د سټېفن ما كتاب دے. په دې كتاب كښې دا وضاحت شوے د انسانانو ترمېنځه د موازنه څخه كوم صورتحال پېدا كېږي او والدين لپاره په خپلو بچو كښې موازنه كول مشكل دي. صدر مملكت ووئيل چې The Big Picture د شان کیریل تصنیف دے، په دې كتاب كښې کوائنټم مکینکس، کوائنټم فزکس او د آئن سټائن د جنرل او سپېشل تھیوری آف ریلیټیویټي په تناظر كښې د کائنات او انسان د خداي د لټون په حواله تعلق بيان كړے شوے. ده ووئيل چې د مېکس ٹېګ مارك کتاب Life 3.0 د نیورل نیټ ورك په اړه دے، مصنوعی ذهانت د نوي دور عكاسي كوي ، د ټېکنالوجې تند رفتار پرمختګ انسانیت لپاره لوي چېلنج دے. اوس به انسان نېغ په نېغه منسلك وي. Super Intelligence د نك بوسټروم تصنیف دے، دا كتاب د كمپوټر تند رفتار پرمختګ او په دې لړ كښې ريسرچ په اړه غوره كتاب دے. The Art of Thinking مصنف اېم وېټيكر په انسان كښې د سل تعصباتو په اړه ليكلے. ده دا هم وئيلي دي چې څنګه انسان د دې تعصباتو نه بچ كېدے شي او انصاف څومره مشكل وي. د دې لس كتابونو نه علاوه صدر مملكت ووئيل چې په هند كښې د ننه سياسي صورتحال او مسلمانانو سره د هند رويې په اړه ده د هندي مصنف خشونت سنګھ كتاب End of India او په هندي ګجرات كښې د فساداتو په اړه د رانا ايوب كتاب، په هند كښې د مسلمانانو حالت زار په اړه د اېم اے اكبر كتاب Riots after Riots لوستلي دي او د مذهبي تعليماتو په اړه ئې د علامه اقبال تصنيف په اسلام كښې د مذهبي فكر احيا نو مطالعه هم كړې. د باراك اوبامه د كتاب Promised Land مطالعه مې كړې او د باراك اوبامه د پروټوكول افسر د كتاب Protocol مطالعه مې كړې. Jinnah and Tilak ، د اسلامي پېښو او حديث په اړه د شاه بليغ الدين كتاب طوبی، د آخری مغل بادشاہ بهادر شاہ ظفر د حالت زار په اړه د ولیم ډیرلمپل تصنیف The Last Mughul او د مسلم لیګ وړومبي صدر سلطان محمد شاہ آغا خان آټو بائیو ګرافيWorld Enough and Time مطالعه ئې هم كړې. په دې كتاب كښې د تاريخ پاكستان په اړه د مسلمانانو مشرانو حالات او واقعات بيان شوي دي. دغسې د هغې زمانې د محلاتو مناظر هم قلمبند كړې شوي دي. ۔” The Makers of Modern Sindh” د قائداعظم محمد علي جناح، فاطمه جناح، حسن علي آفندي پشمول د نورو ځانګړو شخصياتو د كارنامو ذكر شوے. صدر مملكت ووئيل چې د دې كتابونو لوستلو سره زما د لوستې شوق زيات شوے. د علم په حساب سره مونږ سره د مطالعې وخت كم دے خو بايد مونږ كتاب لوستلو لپاره وخت وباسو. زه هم هڅه كوم چې د سفر په مهال او په نور فارغ وخت كښې مطالعې ته پام وكړم. په دې مهال په كتابونو كښې مهم نكات انډر لائن كوم او بيا دا قلمبند كوم
ځوان نسل ته د مطالعې عادت خپلولو ضرورت دې٬د كتابونو لوستې سره د انسان نقطه نظر پراخا شي او په خپلو تعصباتو قابو موندلو كښې مرسته كېږي۔د صدر عارف علوي ويډيو پیغام
ځوان نسل ته د مطالعې عادت خپلولو ضرورت دې٬د كتابونو لوستې سره د انسان نقطه نظر پراخا شي او په خپلو تعصباتو قابو موندلو كښې مرسته كېږي۔د صدر عارف علوي ويډيو پیغام | APP Pashto service
