اسلام آباد 22 اکتوبر (اے پی پی) د كورنيو چارو دوهم وزير شهریار آفریدی وئيلي دي په پاکستان ټول يو برابر حق لري، د نوې پاکستان هاؤسنګ پروګرام د اولس د خوبونو تعبیر دے، د منصوبې ریګولیټری باډی به ډير زر جوړه كړې شي، تير وخت كښې زيات پور اخستې شوې ۔د ګل پھ ورځ نادرا میګا سنټر بلیو ایریا كښې د نوې پاکستان هاؤسنګ سکیم پروګرام پرانستې په موقع خطاب کښې دوهم وزير شهریار آفریدی ووئيل دا د وزیراعظم عمران خان او نوې پاکستان يوه داسې پروژه ده كومه چې داسې وګړو له پيل شوې كومو چا چې د خپل كور سوچ نه لرلو او نه هغوي لپاره اسانۍ پيدا كړې شوي۔ده ووئيل ټول وګړي خوښي لري چې هغوي يو داسې كور ولري چرته چې هغوي د عزت سره ژوند تېر كړي۔ ده ووئيل عام وګړي د زياتو ستونزو سره مخ دي ٬ هغوي د بنیادی اسانيو څخه محروم دي او په ګرانه ژوند كوي۔ ده ووئيل د پی ټی آئی حکومت اولس له بنیادی اسانۍ وركولو له چمتو دے۔ هېواد كښې يو كروړ كورونو جوړولو ته اړتيا ده، هر كال به 5 لاکھ كورونه جوړولې شي۔دوهم وزير ووئيل تير حكومت زيات قرض اخستې او چا هم دې پلو پام نه دې كړې۔شهريار اپرېدې ووئيل پیسه كښې د استحکام نه راتللو په وجه غریبانانو كورونه نه دې جوړ كړې۔ ده ووئيل مونږ د يو سخت وخت څخه تيرېږو خو مونږ به د عام وګړو ستونزو كمولو او اسانيو وركولو له سوچ كوو۔ ده ووئيل د پاکستان قام خوارې كښ دے او په دې انتظار ؤ چې مونږ به هم څوك خپل وګڼي۔ ده ووئيل د نوې پاکستان هاؤسنګ پروګرام ترمخه د ون ونډو سروس د لارې په كمه بيعه اولس له اسانۍ وركولې شي۔ ده ووئيل د منصوبې د مقبولیت او حاجت اندازه دې څخه لګيدې شي چې د نادرا دفترو څخه بهر د وګړو قطارونه لګيدلې۔ تنقید او خندا آسان كار دے خو كار كول مشكل دې۔ دوهم وزير ووئيل كله چې مونږ د حق او رښتيا په لاره يو نو لوے څښتن به زمونږ مرسته كوي۔ ده ووئيل دې پروژې څخه به وګړو ته روزګار هم ترلاسه شي او اوس به پھ رياست باور هم زيات شي۔ ده ووئيل نوې پاکستان هاؤسنګ سکیم ریګولیټری باډی به ډير زر جوړه شي۔ اولس دې باور ورلري چې د هغوي د يوې يوې روپۍ مونږ ذمه وار يو۔ پاکستان د ټولو دے او ټولې طبقې په دې خپل حق لري۔ ده ووئيل حکومت په خپلو وړومبو 100 ورځو كښې يوه داسې پروژه پيل كړې كومې لپاره چې اولس كړېدو۔ ده ووئيل د دې پروژوې ترسره كولو له لوظي يو او دا اولس تائید او باور سره به دا كار ترسره كولې شي۔ د يوې پوښتنې په ځواب ده ووئيل پاکستان تحریك انصاف کے پی کے كښې د 2013ء په مقابل كښې په اوسنو ټاكنو كښې زيات ووټ ترلاسه كړې۔ دې څخه وړاندې ده د سکیم پرانسته وكړه او فارم جمع کولو له راغليو وګړو سره ئې خبرو اترو كښې د هغوي د ستونزو جاج واخست او د نادرا چارواكو ته ئې سپارښتنه وكړه چې وګړو له زياتې اسانۍ وركړئ
د نوې پاکستان هاؤسنګ پروګرام د اولس د خوبونو تعبیر دے
د نوې پاکستان هاؤسنګ پروګرام د اولس د خوبونو تعبیر دے | APP Pashto service
