اسلام آباد 25 ستمبر (اے پي پي)د مسلم ليګ(ن)صدر او په قامي اسمبلۍ كښې د مخالفې ډلې مشر شهباز شريف وئېلي دي اوسني حالات د مخالفې ډلې امتحان دے٬هېواد او قام به پھ هېڅ صورت مايوسه نه كړو٬مونږ ته د جمهوري٬دستوري او د پارليماني طريقو او اقدارو يوه نوې لاره جوړول دي٬په پارلمان د قام باور زياتول دي۔ده دا خبرې د نهې په ورځ د پارلمان په ودانۍ كښې د ګوند شريكې پارلماني پارټۍ ته د وېنا كولو په مهال وكړی۔په غونډه كښې د ګوند مشرانو٬د سېنېټ او قامي اسمبلۍ غړو ګډون وكړو۔شهباز شريف ووئيل مونږ به اوس په پارلمان كښې دننه او بهر د قام او هېواد د ګټو تحفظ لپاره په محنت ٬جذبه او ديانتدارۍ كار كوو۔ده ووئيل د خپل كردار او عمل د لارې دا ثابتول دي چې مونږ لويه دعوې نه كوو بلكې د قوم د امانت ساتونكي او د خدائے له يرې تحفظ كونكي يو۔ده ووئيل مونږ ته په نړۍ دا ثابتول دي چې كه اهليت وي٬ديانتداري وي او د اخلاص نيت وي د پارلمان نه طاقتور كوم بل فورم نشته۔په غونډه كښې د هېواد په مجموعي سياسي صورتحال مشوره وكړې شوه۔په غونډه كښې د پبلك اكاؤنټس كمېټۍ او د نورو قائمه كمېټو د مشرانو ټاكنې په اړه نامو ته حتمي شكل وركړې شو۔په غونډه كښې دا پريكړه هم وشوه چې د سي پیك٬د ځايې حكومتي نظام او د پرمختيائي پروګرام په اړه به بېلا بېل لارښود نه يوازې پرله پسې د حكومت په اقداماتو نظر ساتي بلكې په دې لړ كښې به عامه رايه هم جوړوي او قوم به پرله پسې د دې معاملو نه خبروي۔په غونډه كښې د ځايې حكومتي نظام د تحفظ په اړه د بېلا بېلو اقداماتو جاج هم واخستلې
اوسني حالات د مخالفې ډلې امتحان دے٬هېواد او قام به پھ هېڅ صورت مايوسه نه كړو
اوسني حالات د مخالفې ډلې امتحان دے٬هېواد او قام به پھ هېڅ صورت مايوسه نه كړو | APP Pashto service
