جنيوا – 09 – جنوري (اي پي پي) پرڏيهي وزير بلاول ڀٽو زرداري چيو آهي ته پاڪستان ۾ ٻوڏ سان تباهين جو ڪاٿو تمام وڏو آهي، ٻوڏ جي 5 مهينن کانپوءِ به ڪيترائي علائقا پاڻي ۾ ٻڏل آهن. اهڙن خيالن جو اظهار هن جنيوا ۾ انٽرنيشنل ڪانفرنس آن ريزيلئينٽ پاڪستان جي افتتاحي سيشن کي خطاب ڪندي ڪيو. پرڏيهي وزير چيو ته پاڪستان جو گهڻو علائقو اڃا تائين ٻوڏ جي پاڻي ۾ ٻڏل آهي. ٻوڏ سان 3 ڪروڙ 30 لک ماڻهو متاثر ٿيا، تباهي آڻيندڙ ٻوڏ کان متاثر علائقن ۾ نئين سر تعمير جي لاءِ قدم اڃا جاري آهن. هن چيو ته پاڪستان م هر 7 مان هڪ شخص ٻوڏ کان متاثر ٿيو آهي. بلاول ڀٽو زرداري عالمي ڪانفرنس جي شرڪت ڪندڙن کي ڀليڪار چوندي چيو ته مشڪل وقت ۾ پاڪستان جي مدد ڪندڙ ملڪن جا ٿڳورا مڃان ٿو. پرڏيهي وزير چيو ته اڄ عالمي دنيا پاڪستان سان يڪجهتي جي اظهار لاءِ گڏ ٿي آهي، آئنده قدرتي آفتن کان بچڻ جي لاءِ پاڪستان هڪ فريم ورڪ ٺاهيو آهي. وزيراعظم شهباز شريف ۽ گڏيل قومون جو سيڪريٽري جنرل انتونيو گوتيرس جنيوا ۾ ٿيندڙ ڪانفرنس جي ميزباني ڪري رهيا آهن. ان کان اڳ پرڏيهي وزير بلاول ڀٽو زرداري پنهنجي خطاب ۾ پاڪستان ۾ ماحولياتي تبديلي سان ٿيندڙ تباهي کانپوءِ ملڪ جي نئين سر تعمير جي حوالي سان ڪانفرنس ۾ شريڪ ملڪن ۽ عالمي ادارن جي نمائندن جي آجيان ڪئي. وزيراعظم محمد شهباز شريف ۽ گڏيل قومن جي سيڪريٽري جنرل انتونيو گوتيرس کانسواءِ پاڪستان ۾ گڏيل قومن جي ريزيڊنٽ ڪوآرڊينيٽر جولين هارنيس پڻ عاليم ڪانفرنس جي افتتاحي سيشن کي خطاب ڪيو.
پاڪستان ۾ ٻوڏ سان تباهين جو ڪاٿو تمام وڏو آهي، ٻوڏ جي 5 مهينن کانپوءِ به ڪيترائي علائقا پاڻي ۾ ٻڏل آهن: بلاول ڀٽو زرداري
جنيوا – 09 – جنوري (اي پي پي) پرڏيهي وزير بلاول ڀٽو زرداري چيو آهي ته پاڪستان ۾ ٻوڏ سان تباهين جو ڪاٿو تمام...
