ملتان ۔ 16 مارچ(اے پی پی) خارجه وزير شاه محمود قرېشي وئيلي دي نيوزي لېنډ كښې په جوماتونو د ترسره شوي ترهګرۍ بريدونو په نتيجه كښې يو پاكستانې وګړې ژوبل او 9 نور بې دركه شوي دي۔ په دې لړ كښې پاكستان نيوزي لېنډ سره پرله پسې رابطه كښې دې۔ ده ووئيل دا مهال اروپا كښې اسلام فوبيا په نظر راځي۔ دغلته د امیګرېشن اومائیګرېشن مسئله ډېره مهمه شوې ده او نسل پرسته كسان ددې ګټه پورته كوي۔ دوئي په سياست هم اثرانداز كیږي او داسې حركتونه هم كوي۔ ده ملتان كښې ميډيا سره خبرې كولې ۔ ده ووئيل ددې پېښو څخه وروستو بې دركه شوي پاكستاني وګړي چا سره رابطه كښې هم نه دي او د دوئي فونونه هم بند دي ځكه ددوئي په اړه كوم سركاري اعلان نه رامخې ته كیږي۔ دوئي ته د بې دركه نه علاوه بل څه وئيل به مناسب نه وي۔ ده ووئيل زه د نیوزی لېنډ خارجه وزارت او پاكستاني هائي كمېشن سره پرله پسې رابطه كښې يم كه خدائے دې نه كړي ددوئي په اړه داسې كوم خبر راشي نو بيا به ددوئي كورنيو سره تماس نيول وي۔ او كه ددوئي د شهادت تصديق وشي نو ددوئي د كورنيو د مرضۍ ترمخه به ددوئي د دفن كولو پرېكړه كولې شي۔ دغسې چې د هغوي مړي پاكستان ته راوړل دي يا هغه دغلته خاورو ته سپارل دي۔ ده ووئيل په دې معامله كښې مونږ ددغه كسانو كورنيو سره اوږه په اوږه ولاړ يؤ او ددوئي دړد محسوسوؤ۔ د يوې پوښتنې په ځواب كښې ده ووئيل په جوماتونو د بريد كوؤنكي د ذهني حالت اندازه دې څخه لګولې كېدې شي چې هغه د انسانيت قتل كولو له تلې وو او په خپل هېلمټ ئې كېمره لګولې وه۔ ده ووئيل دې څخه دا څرګندېږي چې ترهګري يوه نړيواله مسئله جوړه شوې ده او د نيوزي لېنډ په ډول سولييز هېواد هم دې سره مخ شوې چرته چې داسې كومه پېښه وړاندې نه وه رامخې ته شوې۔ ده ووئيل تر دې دمه دې پېښه كښې څلور كسان نيولي شوي دي په كومو كښې چې دوه سړي او دوه ښځې شامل دي۔ د دوئي په شا كوم تنظيمونه وو او دوئي كوم مقصد ترلاسه كول غوښتل دا به د پلټنيون څخه وروستو رامخې ته شي
د نيوزي لېنډ حكومت سره پرله پسې رابطه كښې يؤ۔ د ترهګرۍ پېښه كښې يو پاكستانې وګړې ژوبل او 9 نور بې دركه شوي۔ د خارجه وزير شاه محمود قرېشي ملتان كښې ميډيا سره خبرې
د نيوزي لېنډ حكومت سره پرله پسې رابطه كښې يؤ۔ د ترهګرۍ پېښه كښې يو پاكستانې وګړې ژوبل او 9 نور بې دركه شوي۔ د خارجه وزير شاه محمود قرېشي ملتان كښې ميډيا سره خبرې | APP Pashto service
