پاك پوځ د ټول ټاكنو سره نيغ په نيغه هېڅ تعلق نه لري٬پوځ به په انتخابي عمل كښې بشپړ غېر سياسي او غېر جانبدار پاتې كېږي

پینډۍ 10 جولائي (اے پي پي)د پاك پوځ وياند ميجر جنرال آصف غفور وئېلي دي پاك پوځ د ټول ټاكنو سره نيغ په نيغه هېڅ تعلق نه لري٬پوځ به په انتخابي عمل كښې بشپړه غېر سياسي او غېر جانبدار پاتې كېږي٬پاك پوځ د هېڅ يو ګوند سره تړون نه لري٬په ټول ټاكنو كولو د پوځ نه زيات څوك مطمئن او خوشحاله نه دي٬په 25مه جولائي به اولس هېواد د يو نوې جمهوري حكومت پلو بيائي٬د پاكستان اولس دې څوك هم وټاكي څوك چې اولس وټاكي هم هغه به وزيراعظم وي٬پاك پوځ به د داسې ماحول وركولو لپاره كردار ترسره كوي چې رائے وركونكي پھ كوم فشار كښې رانه شي او په خپله خوښه خپلې رائې وركړي٬انتخابي عمل به د هر تعصب او خوښې نه خوښې نه بالاتر وي٬ چرته چې هم د پاك پوځ استازي د قانون نه اخوا كار ويني نو الېكشن كمېشن به خبروي٬كانديدانو له د جيپ نخښې پوځ نه الېكشن كميسون وركړي٬ټول هېواد كښې 85 زره 307 پولنګ سټېشنې په 48 زره 500 ودانيو كښې جوړې كړې شوي٬د كومو امنيت لپاره چې 3 لكه 71 زره 388 عسكر پكار دي٬د هر پولنګ سټېشن دننه به دوه دوه پوځيان په ځاې كولې شي۔د نهې په ورځ په آئي اېس پي آر دفتر كښې مېډيا ته د الېكشن تيارو په اړه ده بريفنګ وركولو۔جنرال آصف غفور ووئيل د ټول ټاكنو په حقله خلقو شكونه لرل خو اوس تاسو وينې چې ټول شكونه ختم شول او په 25مه جولائي به اولس هېواد د يو نوې جمهوري حكومت پلو بيائي۔ده ووئيل د 2013 ټول ټاكنې لږې ګرانې وې هغه وخت د ترهه ګرۍ پېښې رامخې ته كېدې٬د 2013 ټول ټاكنو كښې د 70 زره 185 پولنګ سټېشنو لپاره 75 زره اهلكار په ځاې كړې شوي وو٬اوس د 2018 په ټول ټاكنو كښې د تاريخ تر ټولو نه زيات پولنګ سټېشنې جوړی كړی شوي او مونږ ته چې كوم كار ښودلې شوې د هغې لپاره 3 لكه 71 زره نه څخه زيات عسكر پكار دي۔ده ووئيل په ټول ټاكنو ګښې به د سمندري او هوائي ځواك اهلكار هم وظيفه ترسره كوي٬ تر 20 زره پولنګ سټېشنې حساس ګرځولې شوي ۔وياند ووئيل پوځ د 2018 په ټول ټاكنو كښې څه په وړومبي ځل نه په ځاې كېږي٬پخوا هم ټول ټاكنو كښې پوځ خذمات ترسره كړې او دغسې په 25مه جولائي به هم د الېكشن كمېشن معاونت كوو۔ده ووئيل د ټولو ټاكنو په انعقاد كښې د پاك پوځ نيغ په نيغه كوم كردار نشته خو معاونت كول زمونږ ذمه واري ده٬پوځ به د امن او سپيځلتيا چاپیرچل لپاره معاونت كوي دغسې چې ټول سياسي ګوندونه د كومې ناوړه پیښې نه غېر انتخابي عمل له محفوظ چاپېرچل ولري۔جنرال آصف غفور ووئيل د بېلټ پیپر ترسيل به د پاك پوځ په څارنه كښې كېږي٬مونږ به يوازې دغه پھ محفوظه ډول رسوو او دغسې د ټاكنو نه وروستو بېلټ باكس به پھ محفوظه ډول بېرته لېږلو لپاره به هم پوځ امنيت وركوي۔ده ووئيل د پوځ دا كار دې چې بې د كوم روكاوټه انتخابي مواد ټاكلو ځايونو ته ورسوي دغسې د پرنټنګ پرېس نه د سامان راويستلو نه وروتسو به هم امنيت برقرار وي۔ده ووئيل ټول پوځ ته داسې امر وركولې شي كوم چې كمانډ مضبوطوي او مونږ ته دا امر شوې چې په غېر سياسي او غېر جانبداره توګه د الېكشن كمېشن مرسته وكړئ ٬ ده ووئېل د دغې امر ترمخه پاك پوځ به پھ انتخابي عمل كښې په بشپړه توګه غېر سياسي او غېر جانبداره پاتې كېدو سره كردار ترسره كوي او د الېكشن په عمل كښې به هېڅ مداخلت نه وي۔د آئي اېس پي آر ډي جي ووئيل تر ټولو وړومبې كار امن او امان په ځاې ساتل دي۔د الېكشن نه درې ورځې وړاندې به د امنيت ذمه وارۍ ترسره شي او دغه ذمه وارۍ به د پوليس پشمول د وسله والو ځواكونو وي۔د پولنګ سټېشنو دننه د ولاړو عسكرو بنيادي ذمه واري به د سپيځلو ټاكنو په لار كښې ولاړ خنډان كتل وي۔ده ووئيل د الېكشن كميسون څخه تصديق شوو كسانو له به د الېكشن ډيوټۍ كارډونه وركولې شي او دغسې غېر ملكي مبصرين به هم د پولنګ سټېشن دننه تللې شي۔ ده ووئېل دننه د ولاړ عسكر به دا ذمه واري وي چې هغه غېر متعلقه سړې پولنګ بوت ته پرې نه ږدي۔ده ووئيل د كوم ووټر سره به د زور زياتي اجازه نه وي٬كه په كوم ځاې د قانون نه اخوا مسئله رامخې ته شوه نو ولاړ عسكر به شته افسر او د الېكشن كمېشن كارمندانو سره كردار ترسره كوي او د ټاكنو عمل به اودروي۔جنرال آصف غفور ووئيل د مېډيا استازو ته غږ كوو چې د الېكشن ډيوټۍ په مهال د ولاړو عسكرو نه پوښتنې كولو نه ډډه وكړي ٬ په هر ښار كښې به د آئي اېس پي آر استازي به وي د هغوي سره دې رابطه وكړې شي۔ده ووئيل كه د پوځ يو عسكر ولاړ وي نو د دې مطلب دا نه دے چې هغه يوازې دے هغه د ټول پوځ نمائنده دے او هغه خپل پوځ وګڼۍ او ورسره مرسته وكړئ ٬ ده ووئېل هغه سره كوم داسې رابطه مه كوۍ چې په سبب ئې د هغه د ډيوټۍ په لار كښې خنډ راپیدا كېږي۔وياند ووئيل زمونږ سياسي ګوند نشته يوازې د پاكستان اولس زمونږ مفاد دے۔د اولس لپاره ضروري ده چې ټول ټاكنې په ښه ډول وشي٬په څومره شمېره چې رائے وركړی شي هم دومره رامخې ته شي هله به ټول ټاكنې سپيځلې وي۔ده ووئيل د اولس ذمه واري ده چې رائے وركړي او چې كوم لارښود يې خوښ وي هغه له رائے وركړي۔د يوې پوښتنې په ځواب ده ووئيل سياسي عمل سياسي پرېږدۍ٬تاسو به اوينې چې څنګه نور تورونه غلط ثابت شول هغسې به دا هم ثابت شي۔د يوې پوښتنې په ځواب ده ووئيل په پكستان كښې كومې ټول تاكنې وې چې پكښې كوم ګوند يا سياستمدار نه دي وئېلې چې ټګي كېږي٬يو داسې الېكشن اوښائۍ د كوم نه چې وړاندې د بېلو ګوندونو خلقو خپل ګوند نه وي بدل كړې۔ده ووئيل له بده مرغه ځينې سياسي ګوندونه د نورو ګوندونو راغورځولو لپاره داسې خبرې كوي۔ده ووئيل پاك پوځ په تېرو كلونو كښې هره قامي ذمه واري په غوره ډول ترسره كړې۔جنرال آصف غفور ووئيل پاك پوځ چې څنګه په قربانۍ امن راوستې په دغه لاره كښې مونږ هغه څيزونه هم زغملې كوم چې په عامو حالاتو كښې نه وي۔ده ووئيل هره ورځ ټاك شوز كېږي هر بنده ته اجازه ده چې څه وئېل غواړي هغه اووائۍ۔وياند د ملتان پېښې په اړه د يوې پوښټنې په ځواب ووئيل په دې لړ كښې پاك پوځ د كوم كردار په سختۍ ترديد كړې او د زراعت محكمې نه تپوس وكړئ چې هغوي د تېر يو كال نه د ياد شوي سړي په ضد كاروائي كوله يا نه ٬ دغې له دا رنګ وركول چې د الېكشن په سبب داسې وشول دا خبره غلطه ده۔د جيپ نخښې په اړھ د يوې پوښتنې په ځواب ده ووئيل انتخابي نښه پاك پوځ يا آئي اېس آئي نه وركوي٬جيپ له چې د كوم رنګ وركولو هڅه كېږي هغه زمونږ نه دے ٬ دغسې ډېر چيپونه د كانديدانو سره دي او هم هغوي ئې كاروائي لحاظه هر څيز ته د شك په نظر مه ګورۍ۔فاټا كښې د ټاكنو په حقله د پوښتنې په ځواب ده ووئيل د فاټا انضمام شوې هلته د ټاكنو په حقله الېكشن كمېشن او سپريم كورټ ته هم خواستونه راغلي په دغې حقله چې د رياست كومه پريكړه وي هغه به ټولو ته منظوره وي