کراچۍ 26 مئي (اے پي پي) د صحت وفاقي وزير عبدالقادر پټېل وئيلي دي چې د عمران خان په ميډيکل رپورټ كښې شراب او د کوکين اجزا موجود وو او په پتون كښې ئې يو قسم فرېكچر نه ٶ، په رپورټ كښې د عمران خان په ذهني صحت هم سواليه نشان دے۔ د جمعې په ورځ پرېس كنفرنس ته خپله وېنا كښې وفاقي وزير ووئيل عمران خان چې كله ونيولے شو نو په پمز كښې ئ ميډيكل وكړے شو كوم لپاره چې د سينئر ډاکټرز پشمول پنځه كسيزه بورډ جوړ كړې شوې ٶ۔ ده ووئيل عمران خان ته د عدالت لخوا د ترلاسه اميونټي له امله دا رپورټ وړاندې نه كړې شو خو اوس دا پبلك دستاوېز دے۔ ده ووئيل عمران خان چې پنځه شپږ مياشتې پلستر سره ګرځېدو ٬ په ميډيكل رپورټ كښې ئې په پتون كښې يو قسم فرېكچر نشته۔ ده ووئيل په ھغه مهال د عمران خان د يورين سېمپل هم اخستې شوې او ابتدائي رپورټ كښې ئې شراب او د كوكين اجزا موجود وو۔ ده ووئيل د ډاكټرز پېنل له مخئ د ھغه په دماغي صحت هم سواليه نشان دے، رپورټ كښې وئيلي شوې دي چې د عمران خان حرکات او سکنات د يو صحت مند انسان غوندې نه دي۔ ده ووئيل چې تفصيلي رپورټ راشي نو ھغه به هم پبلك كوٶ۔ ده اولس ته ووئيل چې د مئي 9مې پېښو ثابت كړې ده چې دې كس ځوانان خپلې ګټې لپاره استعمال كړي، عمران خان د معاشرے روايات ويجاړ كړي، د ھغه جلسې له خو خلق ځي خو يو عزت دار سړے ھغه ته خپله كورنۍ كښې د خوراك بلنه نه وركوي۔ ده ووئيل دا كس د عدالت لخوا صادق او امين ګرځولے شوې ٶ اوس هر څه د ټولو په وړاندې راغلے دي
د عمران خان په ميډيکل رپورټ كښې شراب او د کوکين اجزا موجود وو، په پتون كښې ئې يو قسم فرېكچر نه ٶ۔ د صحت وفاقي وزير عبدالقادر پټېل پرېس کنفرنس
د عمران خان په ميډيکل رپورټ كښې شراب او د کوکين اجزا موجود وو، په پتون كښې ئې يو قسم فرېكچر نه ٶ۔ د صحت وفاقي وزير عبدالقادر پټېل پرېس کنفرنس | APP Pashto service
