اسلام آباد 25 جولائي (اے پي پي) د صنعت او پيداوار وفاقي وزير رانا تنوير حسېن وئيلي دي فرټيلائزر کمپنۍ دې په هره ضلع كښې د كروندګرو اسانۍ لپاره ماډل سنټرز جوړ كړي، د كروندګرو سهولت او د كر كېلې ترقۍ لپاره به د سرې كمپنو لخوا په هره ضلع كښې ماډل سينټرز پرانستلې شي۔ د دې خيالاتو څرګندونه ده د زيارت په ورځ د فرټيلائزر ريويو کميټۍ غونډې مشرۍ په مهال وكړه ٬ د غونډې مقصد په هېواد كښې د سرې د سټاك د شتوالي او د بيعې جاج اخستل وٶ ۔ وفاقي وزير رانا تنوير حسېن ووئيل فرټيلائزر کمپنۍ دې په هره ضلع كښې د كروندګرو سهولت لپاره ماډل سنټرز پرانيځي ٬ په سنټرز به كروندګر په اصل بيعه سره اخستلې شي، دغسې حکومتي اقداماتو څخه به د ايجنسو او ډيلرانو كمر زياتے ختم شي٬ ده ووئېل اينګرو فرټيلائزر کمپني دې په ترجيحي بنيادونو ماډل سينټرز جوړولو لپاره تجويزونه وړاندې كري۔ ده ووئيل حكومت به د مډل مېن او اېجنسو د لارې د كروندګرو استحصال مخه نيسي ۔ په دې موقع د كمېټۍ لخوا د فرټيلائزر په سټاك او شتون د اطمينان څرګندونه وكړې شوه۔
فرټيلائزر کمپنۍ دې په هره ضلع كښې د كروندګرو اسانۍ لپاره ماډل سنټرز پرانيځي ۔ وفاقي وزير رانا تنوير حسېن
فرټيلائزر کمپنۍ دې په هره ضلع كښې د كروندګرو اسانۍ لپاره ماډل سنټرز پرانيځي ۔ وفاقي وزير رانا تنوير حسېن | APP Pashto service
