اسلام آباد 01 فروري(اے پي پي) وزيراعظم عمران خان د كروندګرو آسانې لپاره په بلوچستان كښې ټيوب ويلونه په شمسي توان د منتقل كولو منظوري وركړې۔د وزيراعظم د مېډيا دفتر لخوا جاري شوي بيان له مخې د وزيراعظم په مشرۍ كښې د ګل په ورځ غونډه كښې دا منظوري وركړی شوې۔په غونډه كښې د بلوچستان وزيراعلٰی جام كمال خان٬وفاقي او صوبائي وزيرانو او اعلٰی چارواكو ګډون وكړو۔په شمسي توان د ټيوب ويلونو منتقلۍ سره به كه يو خوا كروندګرو ته د تعطل نه غېر برېښنا ترلاسه شي نو ورسره به د برېښنا په مد كښې په كېدونكي زيان قابو موندلو له مرسته وشي۔وزيراعظم د توان ډويژن او صوبائي حكومت ته د پروژې زر عملي كېدو په اړه د جامع پلان او حكمت عملۍ تيارولو او د پروژې په اړه د ټائم لائنز په بنياد د روډ مېپ جوړولو هدايت وكړو۔وزيراعظم ووئيل د بلوچستان سماجي او معاشي حالات تر مخه د حكومت لخوا د ټيوب ويلونو په مد كښې د اربونو روپو سبسډۍ سره هم كه يو خوا كروندګر ستونزو سره مخ دي نو بل خوا ګرځينده قرض هم پرله پسې مخ په زياتېدو دے۔د برېښنا په مد كښې د كېدونكي زيان نتيجې بلوچستان او د ټول هېواد اولس ته زغمل وي ځكه دا مسئله دې زر حل كړے شي۔ده ووئيل د سبسډۍ موثره او مناسب استعمال د حكومت وړومبنۍ ترجيح ده
وزيراعظم عمران خان د كروندګرو آسانۍ لپاره په بلوچستان كښې ټيوب ويلونه په شمسي توان د منتقل كولو منظوري وركړه
وزيراعظم عمران خان د كروندګرو آسانۍ لپاره په بلوچستان كښې ټيوب ويلونه په شمسي توان د منتقل كولو منظوري وركړه | APP Pashto service
