اسلام آباد 31 مئی (اے پی پی) د سېفران دوهم وزير شهريار آفريدي وئېلي دي چې د كورنيو چارو وزير په ځائې د افغانستان انتظاميې د طاهر داوړ مړې منظور پشتين ته وركولو لپاره چمتو ؤ٬د مړي سپارلو په وخت د پاكستان بېرغ سره چې څه شوې ؤ يا د پاكستان په اړه چې كوم ريماركس وركړي شوې ؤ هغه دلته بيانولې نه شم٬اپوزېشن د پام راګرځولو نوټس د لارې ټول تفصيلات د حكومت څخه غوښتلې شي٬په دې مسئله دې سياست ونه كړی شي۔د جمعې په ورځ په قامي اسمبلۍ كښې د پوښتنو دمې په مهال د طاهر داوړ تښتولو او د هغې نه پس د هغه د قتل كولو په اړه د خرم دستګير د پوښتنې په ځواب دوهم وزير شهريار آفريدي ووئيل چې د بده مرغه په وروستيو كښې يو نوې قانون جوړ شوې ؤ چې د هېواد په كومه هم سيمه كښې مېشته پښتنو له به د كال 1979 څخه وړاندې په هېواد كښې د موجود پاتې كېدو شواهد وركول دي او نادرا ته دا امر شوې چې د كوم هم پښتون مشابهت افغان څخه وي نو د هغه شناختي كارډ دې بلاك كړی شي۔د پي ټي آئي حكومت د پښتنو يو لك 87 زره څخه زيات بلاك شناختي كارډونه جاري كړي او د نادرا څخه د مشابهت والي شق ختم كړې شوې۔طاهر داوړ شهيد د پاكستان او زمونږ د قام عزت ؤ۔په هغه درې ځله قاتلانه بريدونه شوې ؤ۔وړومبې د هغه ورور به بني ګاله كښې قتل كړې شوې او تر ډېرې مودې د كے پي كے څخه لرې پاتې شوې٬طاهر داوړ شهيد د پاكستان زوې ؤ۔ټول غړي دې د پام راګرځونې نوټس د لارې دا تفصيلات د حكومت څخه طلب كړي۔په دې مسئله دې سياست ونه كړی شي۔
د كورنيو چارو وزير په ځائې د افغانستان انتظاميې منظور پشتين له د طاهر داوړ مړې وركولو له چمتو ؤ۔شهريار خان آفريدي
د كورنيو چارو وزير په ځائې د افغانستان انتظاميې منظور پشتين له د طاهر داوړ مړې وركولو له چمتو ؤ۔شهريار خان آفريدي | APP Pashto service
