اسلام آباد ۔18مئی (اے پی پی) د سېنېټ د داخله چارو د قائمه كمېټۍ چيئرمېن سناتور رحمان ملك وئېلي دي ټول قام د شهيد كرنل سهيل عابد په قربانۍ وياړ لري او د هغه شهادت ته سلام كوي۔د هېواد حفاظت له د خپل ځان قرباني وركولو سره هغه ترهه ګرو له دا پیغام وركړې چې د هېواد حفاظت له به د كومې هم قربانۍ څخه ډډه نه شي كولې۔د دې خيالاتو څرګندونه ده د جمعې په ورځ د شهيد كرنل سهيل عابد پھ قبر فاتحه خوانۍ نه پس وكړه۔ده د هغه په قبر د ګلونو څادر خپور كړو او فاتحه يې وكړه۔ده وئيل پاك پوځ د ترهه ګرۍ په ضد جنګ كښې تر ټولو زياتې قربانۍ وركړي۔د پاك پوځ په قربانيو ټول قام وياړ لري او د پاك پوځ قربانۍ او وينه به بې ضائع نه ځي۔ده ووئيل د دښمن په ضد يو موټې كېدو ته اړتيا ده ۔د سياسي قيادت دا فرض دي چې د اوسني حالاتو په تناظر كښې د ترهه ګرۍ په ضد جنګ كښې د پاك پوځ سره اوږه په اوږه ا ودرېږي٬ ده ووئېل ترهه ګر نه يوازې د هېواد بلكې د انسانيت هم دښمنان دي٬هغوي له ماتې وركول قامي فريضه ده۔سناتور ملك ووئېل په بلوچستان كښې په ترهھ ګرۍ كښې بهرني لاس ككړ دي كوم چې د هېواد امن او پرمختګ په لاره كښې خنډان دي۔ده ووئيل دښمنان به په خپل ناوړه مقاصدو كښې چرې هم بريالي نشي۔رحمان ملك په دې لړ كښې په سېنېټ كښې د قرارداد وړاندې كولو هم لوظ وكړو۔
ټول قام د شهيد كرنل سهيل عابد په قربانۍ وياړ لري او د هغه شهادت ته سلام كوي۔رحمان ملك
ټول قام د شهيد كرنل سهيل عابد په قربانۍ وياړ لري او د هغه شهادت ته سلام كوي۔رحمان ملك | APP Pashto service
