اسلام آباد/لندن 07 فروری (اے پی پی) خارجه وزير مخدوم شاه محمود قریشی وئيلي دي چې د برتانيې پارلمان كښې د مظلومه كشمیریانو په حق كښې د متفقه قرارداد منظوریدل د تاریخ برخه ده، هند چې څومره هم ځان پټ ساتي سوشل میډیا به ئې اوس په ډاګه كوي، پاكستان او چین ترمينځه د سی پیك پارټ ټو پريكړه شوې، 5 مياشتو كښې سعودی عرب، یو اے ای او قطر زمونږ سره غیرمعمولی مرسته كړې، نن امریكا زمونږ په وجه طالبانو سره خبرې اترې كوي، عزت سره د روزګار لټون كونكې پاكستانيانو ته به اوس هېواد كښې روزګار ترلاسه شي، پخوانو حكمرانانو به واشنګټن ته كتل، زمونږ نظر په مدینه دې۔ د دې خيالاتو څركندونه ده د برتانيې د پی ټی آئی وركرز كنونشن ته خطاب كښې وكړه۔ ده ووئيل د برمنګھم وګړو چې څنګھ زما هركلې كړې هغه به تل له ياد ساتم۔ ټول ګونديز پارلمانی ډلې د تحقیق او شواهد راجمع كولو نه پس په 30 اكتوبر چې كوم راپور خپور كړې دا هغه ؤ كوم چې پاكستان د كلونو راهسې چلولو۔ ده ووئيل جون 2018ء كښې د ملګرو ملتونو د بشري حقونو كمېشن راپور خپور شوې كوم كښې مقبوضه جمو او كشمیر كښې د هند د اړخه د بشري حقونو خلاف ورزی رامخې ته كړې۔ د دغې دوه راپورونو نه پس زمونږ حكومت پريكړه كړې چې مونږ تحریك انصاف يو او مونږ له به چپ پاتې كيدل نه وي د مظلومانو سره به غږ پورته كول وي۔ ده ووئيل نن تاسو ټولو له مباركي دركوم چې منزل نزدې دې زما منزل د خارجه وزارتِ كرسۍ نه بلكه نوې پاكستان دې۔ ده ووئيل څنګه حالت كښې چې پاكستان عمران خان ته سپارلې شوې هغه ستاسو په وړاندې دې تاسو د ستائې وړ ئې چې تاسو د هېواد سره مينه لرئ دلته څخه پاكستان ته 22 اربه ډالره رالېږئ ستاسو كردار څخه ثابت شوې چې تاسو اصل پاكستانیان ئې۔ ده ووئيل ما چې پھ 4 فروری د برتانيې پارلمان كښې هاؤس آف كامنز كښې كوم چاپيرچل كتلې هغه غیر معمولی ؤ۔ ده ووئيل هند چې څومره هم ځان پټ وساتي سوشل میډیا به ئې اوس په ډاګه كوي ۔ د برتانيې پارلمان چې د مظلوم كشمیریانو په حق كښې كوم متفقه قرارداد منظور كړې هغه د تاریخ برخه ده۔ ده ووئيل زه د پاكستان د ټولو سیاسی ګوندو پارلماني غړو مننه كوم چا چې د دې قرارداد توثیق كړې۔ ده ووئيل دغه پیغام هغه كشمیریانو ته رسيدلې او هلته د حریت قیادت په دې’’مرحبا‘‘ وئيلې دې۔ ده ووئيل زه د برتانيې كشمیریانو ته د 4 فروری په قرارداد مباركي وركوم۔ په 5 فروری د پارلمان سكوائر په وړاندې ڼ شمير وګړو د مظلوم كشمیریانو سره د يووالې څرګندونه كړې۔ خارجه وزير ووئيل زه په لندن كښې د مېشته پاكستانیانو مننه كوم چې هغوي د عمران خان ملګرتيا كړې۔ ده ووئيل زما په سياست كښې 33 كاله وشو ما عملی سیاست كړې زه ګورم چې يو نوې لمر راښتونكې دې۔ مونږ د وزیر اعظم پاكستان عمران خان په مشرۍ كښې د نوې ویزا پالیسی اعلان كړې 60 هېوادونه داسې دي د كومو وګړو ته به چې ويزا په آن ارائیول ترلاسه كېږي ٬ 175 هېوادونه داسې دي د كومو سره چې ای ویزې اسانيو پريكړه شوې۔
د برتانيې پارلمان كښې د مظلومه كشمیریانو په حق كښې د متفقه قرارداد منظوریدل د تاریخ برخه ده، هند چې څومره هم ځان پټ ساتي سوشل میډیا به ئې اوس په ډاګه كوي
د برتانيې پارلمان كښې د مظلومه كشمیریانو په حق كښې د متفقه قرارداد منظوریدل د تاریخ برخه ده، هند چې څومره هم ځان پټ ساتي سوشل میډیا به ئې اوس په ډاګه كوي | APP Pashto service
