اسلام آباد 18 جنوري (اے پي پي) د منصوبه بندې٬ پرمختګ٬ اصلاحاتو او شمارياتو وفاقي وزير مخدوم خسرو بختيار وئيلي دي چې د پوليو مكمل خاتمې او فالو اپ لپاره نور دوه كاله پكار دي٬ د دې رنځورې خاتمه په قومي ترجيحاتو كښې شامله ده او په دې مكمل قابو موندلو لپاره د جامع منصوبه بندې ضرورت دے۔ ده دا خبرې تېره ورځ د سي ډي ډبليو پي په غونډه كښې وكړې۔ په غونډه كښې د نېشنل هېلتھـ سروسز وزارت لخوا د پوليو خاتمې په اړه د 986 مليونه ډالرو د لګښت نظرثاني شده منصوبه وړاندې كړې شوه د كومې مقصد چې په هېواد كښې د پوليو خاتمه باوري كول دي۔ د منصوبه بندې٬ پرمختګ٬ اصلاحاتو او شمارياتو وفاقي وزير مخدوم خسرو بختيار په دې پروژه خبرې كولو سره ووئيل چې د پوليو خاتمه د حكومت په ترجيحاتو كښې شامله ده۔ ده ووئيل چې د دې رنځورې خاتمې لپاره دې هر ډول ممكنه اقدامات وكړے شي۔ دا منصوبه حتمي منظورې لپاره اېكنك ته ولېږل شوه۔ تېره اونې د سي ډي ډبليو پي په غونډه كښې د دې منصوبې عبوري منظورې وركړې شوې وه۔
د پوليو خاتمې او فالو اپ لپاره وده كاله نور پكار دي
د پوليو خاتمې او فالو اپ لپاره وده كاله نور پكار دي | APP Pashto service
