اسلام آباد ۔ 21 جنوری (اے پی پی) سېنېټ كښې د پاكستان پيپلز ګوند پارلماني لارښودې سناتورې شېري رحمان وئيلي دي د ساهيوال پېښې په حقله مشكوك حالات بايد په ډاګه كړې شي۔ د پېښې په اړه د پنجاب او وفاقي حكومت په دريځ كښې تضاد دے۔ د ګل په ورځ د سېنېټ غونډه كښې د اولسي اهميت په معامله بحث دې ووئيل ټول قام ويني چې حقائق څه دي ولې چې د كېمرې سترګې هر څخه ښودلې دي۔ په ساهيوال كښې تېره ورځ په رڼا ورځ ظلم او زياتې وكړې شو۔ د پوليس لخوا وئيلي شوي د ګاډي شيشې تورې وې۔سناتورې شيرې رحمان ووئېل ويډيو كښې ښكاري چې شېشې تورې نه وې۔ كه د دې پېښې په ضد ګام پورته نه كړې شو نو قام به مونږ نه دلته د ناستې پوښتنه كوي۔ دې ووئيل په رڼا ورځ رامخې ته شوې پېښې له جے آئي ټي نه جوړېږي۔ پنجاب حکومت وائي چې وژلې شوي ترهګر دي ولې دوي سره خو ټوله كورنۍ وه۔ دې ووئيل كه دا پېښه د منصوبې ترمخه وه نو بيا د ګولو ورولو حاجت څه وو ؟۔ هغوي خو ژوندي نيولې كېدې شوو۔ شېري رحمان ووئيل د جے آئي ټي او د دوه دوه اېف آئي آرز د لارې دې معامله له منځه وړولو هڅه ونكړې شي او مشكوك حالات دې په ډاګه كړې شي۔ دې ووئېل وزیراعظم پرون په دې حقله يو ټويټ هم كړې كوم سره چې مونږ اتفاق لرو ولې هغه خپل دريځ هر ځل نشي بدلولې ۔ دې ووئيل د اصلاحاتو عمل خوشبين دے ولې دې څخه هم وړاندې دې معاملې ته كتل ضروري دي۔ ده ووئيل پولیس پبلک سرونټ دي ٬ د رياست ملازمان دي او رياست وګړي وژني نه ساتې ئې
د ساهيوال پېښې په حقله مشكوك حالات بايد په ډاګه كړې شي
د ساهيوال پېښې په حقله مشكوك حالات بايد په ډاګه كړې شي | APP Pashto service
