اسلام آباد 13 اپرېل (اے پي پي) سېنېټ د هائي كورټ او سپريم كورټ د كار دائره تر وفاق د سېورې لاندې تر قبائېلي سيمو د پراختيا د بل په اتفاق سره منظور كړې دې ٬د بل منظورۍ په مهال د جمعيت علماﺀ اسلام(ف)او د پښتونخوا ملي عوامي ګوند غړو د ايوان نه واك آؤټ وكړو۔د سېنېټ غړو د فاټا اولس له مباركي وركړه۔د جمعې په ورځ د سېنېټ غونډه كښې د بل منظورۍ تحريك د سېفران وفاقي وزير لېفتيننټ جنرال(ر)عبدالقادر بلوچ وړاندې كړو چې د سپريم كورټ او د پیښور هائي كورټ د كار دائره دې تر قبائېلي سيمو پراخا كولو په بل 2018 د ايوان د كمېټۍ په راپور شوي صورت په سمدستي توګه غور وكړې شي۔ دغسې ايوان د تحريك منظوري وركړه او د دې نه پس دا بل وړاندې كړې شو۔د سېنېټ چيئرمېن د بل شق وار منظوري ترلاسه كولو نه پس حتمي منظورۍ لپاره بل ايوان ته وړاندې كړو او سېنېټ په اتفاق سره د بل منظوري وركړه۔د بل د منظورۍ نه پس سناتور اعظم سواتي مباركي وركولو سره ووئيل په اتفاق سره د بل په منظورۍ ايوان له مباركي وركوم۔مشاهد حسېن سيد هم د بل په منظورۍ مباركي وركولو سره ووئيل نن د قائداعظم د فاټا په اړه وژن ترسره شو۔ده ووئيل بايد پښتون تحفظ موومنت سره خبرې وكړې شي٬كه د تحريك لېبك سره خبرې اترې كېدې شي نو دوي سره هم كېدې شي۔ده ووئيل د جرم د اجتماعي سزا تصور يوازې په اسرائيل شته يا په فاټا كښې ؤ كوم به چې اوس ختم شي۔سناتور مظفر حسېن شاه ووئيل 70 كاله پس د فاټا اولس له حق وركړې شوې۔سناتور سراج الحق٬سناتورې ستاره اياز٬سجاد حسېن طوري او رحمان ملك هم د بل منظوري خوشبينه وګرځوله او د فاټا اولس ته يې په خاص توګه مباركي وركړه۔ډاكټر جهانزېب جمالديني ووئيل د بل ملاتړ كوم خو د فاټا اولس لپاره جلا عدالتي نظام پكار ؤ۔جاوېد عباسي ووئيل تر فاټا د اعلٰی عدليې د كار دائره پراخا كول يو ښه ګام دے۔دې سره به د قبائېلي سيمې اولس رېليف ترلاسه كړي۔ده ووئيل ټول پارلمان د مباركۍ حقدار دے خو محمد نواز شريف او پاكستان مسلم ليګ(ن)په خاص توګه د مباركۍ حقدار دې كوم چې د فاټا اولس سره كړي لوظونه ترسره كړل۔د فاټا پارلماني لارښود سناتور اورنګزېب ووئيل هغه د اوركزئي ايجنسۍ د فاټا اولس او د فاټا د پارلماني ګوند لخوا ټول ايوان له مباركي وركوي۔ده غوښتنه وكړه چې اېف سي آر دې په بشپړه توګه ختم كړی شي او فاټا لپاره دې پھ اېن اېف سي كښې درې فيصده برخه بېله كړی شي۔سناتور انوارالحق كاكړ ووئيل دا اقدام قبائېلي اولس لپاره لويې زيرے دے۔ده هيله څرګنده كړه چې اوس به د فاټا د ضم كولو په اړه لويه پريكړه هم وشي۔مولانا عطاﺀ الرحمان ووئيل د فاټا اولس سره نن زياتې شوې او د دوي د پوښتنې نه غېر دا هر څه وشول۔د مخالفې ډلې مشرې شيري رحمان ټول پارلمان له مباركي وركړه ااو وې وئېل بل نامكمل دے خو لوظ شوے چې مكمل بل به راوړلې شي۔د دې څخه وړاندې د بل په اړه د ټول پارلمان د كمېتۍ راپور وړاندې كړې شو۔د مخالفې ډلې مشرې سناتورې شېري رحمان دا راپور وړاندې كړو۔د كمېټۍ په راپور كښې د بل منظورۍ وړاندېز شوې۔د جمعيت علماﺀ اسلام(ف) او د پښتونخوا ملي عوامي ګوند غړو د بل وړاندې كېدو نه پس د ايوان نه د احتجاج په توګه واك آؤټ وكړو۔ دغسې ايوان په يوه خله د بل منظوري وركړه۔په ايوان كښې موجود كوم غړي هم د بل مخالفت ونه كړو۔د سېنېټ چيئرمېن ووئيل نن پارلمان خپل كار وكړو٬اختلاف كونكي حق لري چې اختلاف وكړي۔مونږ به خپل كار كوو
د بل منظورۍ تحريك د سېفران وفاقي وزير لېفتيننټ جنرال(ر)عبدالقادر بلوچ وړاندې كړو
د بل منظورۍ تحريك د سېفران وفاقي وزير لېفتيننټ جنرال(ر)عبدالقادر بلوچ وړاندې كړو | APP Pashto service
