اسلام آباد۔6ستمبر (اے پی پی) نګران وزيراعظم انوار الحق كاكړ د دفاع او شهيدانو ورځو په موقعه د ګران هېواد دفاع لپاره د خپلو ځانونو قرباني وركوؤنكو اتلانو ته د عقيدت پېرزوينې وړاندې كولو سره وئيلي دي شهيدان زمونږ وياړ دي ٬ قربانۍ يۍ په مونږ پور دي۔ د دې خيالاتو څرګندونه ده د دفاع ورځې حوالې سره په شكرپړياں كښې تابيا كړې شوې دستورې ته خطاب كښې وكړه۔ په دې موقعه نګران وفاقي وزير مرتضی سولنګي هم موجود وو۔ نګران وزيراعظم دستورې ته خپل خطاب كښې ووئيل ګران هېواد لپاره د خپلو ځانونو قرباني وركوؤنكو شهيدانو ته د عقيدت پېرزوينې وړاندې كوؤ او مونږ دلته دې دستوره كښې موجود دې لپاره يؤ چې مونږ خپل شهيدان هېر كړې نه دي۔ دوئي د پاك پروردګار په لاره كښې خپل ځان قربان كوي۔ دوئي زمونږ وياړ دي او قربانۍ يۍ په مونږ پور دي۔ د دې پور په ادا كولو كښې مونږ يوه كوچنۍ شان نذرانه وړاندې كولې شوؤ او هغه د هغوي د مينه والو عزت او احترام دے۔ ده ووئيل دا هغه جذبه ده د كومې ذكر چې علامه اقبال هم په خپلو شعرونو كښې كړې دے۔ ده ووئيل شهادت يوه ستره مرتبه ده د كومې چې د پاك پروردګار په نزد ډېر لويے اجر دے۔
شهيدان زمونږ وياړ٬ قربانۍ يۍ په مونږ پور دي٬ د نګران وزيراعظم دستورې ته خطاب
شهيدان زمونږ وياړ٬ قربانۍ يۍ په مونږ پور دي٬ د نګران وزيراعظم دستورې ته خطاب | APP Pashto service
