اسلام آباد 31 جولائي (اے پي پي) اولس مشر ډاکټر عارف علوی سره د د انفارمېشن ټېنكنالوجې او ټېلي كام وفاقی وزیر خالد مقبول صدیقی په مشرۍ كښې پلاوي د شورو په ورځ په ايوان صدر كښې ملاقات وكړو۔ په پلاوي كښې ډاكټر عطالرحمان او د انفارمېشن ټېكنالوجې او ټېلي كام سېكتر شعېب صديقي شامل وو۔ په دې موقع اولس مشر ووئيل چې مصنوعي ذهانت د ډېجيټل په بل پړاؤ كښې داخلېدونكې دے۔ ده ووئيل چې سماجي او اقتصادي پرمختګ د انفارمېشن ټېكنالوجې څانګې پرمختګ سره تړون لري او د پاكستان پشان پرمختګ كوونكي هېواد لپاره د دې اهميت لا سوا دے۔ ده ووئيل چې د مصنوعي ذهانت ثمرات ترلاسه كېدے شي او دا بېلا بېلو كمپنو٬ ادارو او كار كوونكو پشمول ټولو لپاره يو چېلنج هم جوړ شوے۔ ده ووئيل چې مونږ ته به خپل ځان د مصنوعي ذهانت څخه استفاده كولو لپاره تيارول وي او په دې لړ كښې به خپله يره ختمول وي۔ اولس مشر ووئيل چې نن د ټېكنالوجې په څانګه كښې د كوم هېواد پائيدار اقتصادي پرمختګ لپاره انفارمېشن ټېكنالوجي ډېر اهميت لري۔ د علم په بنياد معيشت د پاكستان جامع پرمختګ لپاره ضروري دے او مونږ ته د فاصلاتي تعليم وركولو او د دې معيار لوړولو ضرورت دے۔
اولس مشر ډاکټر عارف علوی سره د وفاقی وزیر خالد مقبول صدیقی په مشرۍ كښې پلاوي ملاقات وكړو
اولس مشر ډاکټر عارف علوی سره د وفاقی وزیر خالد مقبول صدیقی په مشرۍ كښې پلاوي ملاقات وكړو | APP Pashto service
