اسلام آباد 05 دسمبر (اے پي پي) د وزيراعظم د اطلاعات او خپرونو په حقله خاص مرستيالې ډاكټر فردوس عاشق اعوان وئېلي دي وزيراعظم عمران خان څو ځله د دې عزم څرګندونه كړی او مونږ دغه عزم اولس ته رسوو او بيا بيا دا وائيو چې مونږ د رائے اظهار په آزادۍ بشپړ باور لرو٬دا د آئين راكړی حق دے خو چرته چې د دې حق خبره كېږي هلته څه ذمه وارۍ او فرائض هم ښودلې كېږي ۔د رياست د مفاداتو تحفظ زمونږ ذمه واري ده ٬ زه كلك باور لرم چې د رياست په نوم به څوك سياست نه كوي٬مېډيا په هر سخت وخت كښې د رياست سره وفاداري كړې٬شخړيز كشمير كښې د هند ظلمونه رامخې ته كولو له مېډيا مهم كردار ترسره كړی٬د ورځپاڼې ډان نيوز په حقله چې كله زما په علم كښې دا خبره راغله نو سمدستي مې چيف كمشنر او آئي جي اسلام آباد سره تماس ونيولو او هغوي ته مې د امنيت ورسولو سپارښتنه وكړه په كومه چې د ډان انتظاميې مننه كړې او اطمينان يې ښكاره كړی۔د رياست مفاد د سياست مفادو نه پرته ساتل پكار دي دغې ته په هېڅ صورت زيان رسول نه دي پكار۔د قامي اسمبلۍ د اطلاعات او خپرونو قائمه كمېټۍ يو مهم فورم دے٬د مېډيا كارمندانو د حقونو په حقله په يوه نكاتي ايجنډا يوه ذيلي كمېټي جوړول غواړي كومه به چې د وفاق او صوبو په كچ د مېډيا هاؤسز او د مېډيا كارمندانو د چارو جاج اخلي۔د دې خيالاتو څرګندونه دې د زيارت په ورځ پيمرا هېډكوارټر كښې د قامي اسمبلۍ د قائمه كمېټۍ غونډې په مهال وكړه۔د كمېټۍ د غونډې مشري چيئرمېن ميا جاوېد لطيف كوله۔د كمېټۍ په نورو غړو كښې انجينئر عثمان تركئي٬آفتاب جهانګير٬سيد امين الحق٬نفيسه شاه٬ناز بلوچ او سائمه نديم ګډون كولو دغسې د اطلاعات او خپرونو وزارت د ذيلي څانګو مشرانو او چارواكو هم په غونډه كښې ګډون كولو۔د قامي اسمبلۍ غړې نفيسه شاه د رائې د اظهار په آزادۍ٬د مېډيا هاؤسز د كارمندانو د اخوا كولو په حقله په خپله نكته كښې د ډان نيوز په ضد د مظاهرې حوالې سره د اطلاعات وزارت لخوا د پورته كړې شوو ګامونو په حقله پوښتنه وكړه ۔ په دې د وزيراعظم د اطلاعات او خپرونو خاس مرستيالې تفصيلي ځواب وركړو۔ سید امین الحق ووئيل د اطلاعات وزارت لخوا په دې لړ كښې په سمدستي توګه د وركرانو امنيت له اړوندې انتظاميې سره د رابطې كولو د ګام ستائنه كوو۔ ده ووئيل د ډان نيوز په ضد اسلام آباد سره سره سندھ كښې هم احتجاج وكړې شو۔ دغلته د پيپلز ګوند حكومت بايد خپل كردار ترسره كړې وې۔ د قائمه كمېټۍ چيئرمېن ووئيل ادارې د رياست لاس او ميډيا د ټولنې ژبه وي۔ د دې تحفظ د رياست ذمه واري وي۔ د وزيراعظم د اطلاعات خاص مرستياله دې په دې معامله د پورته كړې شوو ګامونو حوالې سره د هاؤس باور ترلاسه كړي۔ میاں جاوید لطیف ووئيل هر مياشت بايد د كمېټۍ دوه غونډې وكړې شي ۔ ده هيله ولرله چې وزيراعظم به دې كښې ګډون كوي۔ په دې د وزيراعظم خاص مرستيالې ووئيل په دې لړ كښې بايد كېلنډر جوړ كړی شي دغسې چې معزز غړي هم دې كښې ګډون له وخت ووېستلې شي۔ دې وړاندېز وركړو چې درې اونۍ پس دې د غونډې رابللو تږلاره وضعه كړې شي۔ په مياشت كښې دوه وارې غړو لپاره وخت ويستل به ممكن نه وي۔ دې ووئيل د اطلاعات وزارت چې كوم هم اصلاحات كوي اولس او كمېټي به خبروي۔ دې ووئيل د ا طلاعات او خپرونو وزارت به په دې لړ كښې د خپلې اړخه د آسانيو وركولو كردار ترسره كوي دغسې چې كمېټي په فعاله ډول كار وكړې شي۔ دې ووئيل د حقونو سره سره د وګړو څه ذمه وارۍ هم شته۔ د رياست ګټې ته تحفظ وركول زمونږ د ټولو اجتماعي ذمه واري ده۔ دې ووئيل څوك چې د رياست عزت كوي خو د وقار خيال ئې نه ساتي نو هغه ذمه واره وګړې نه دې۔ دې ووئيل زه باور لرم چې
د رائے د اظهار په آزادۍ بشپړ باور لرو٬د رياست د مفاداتو تحفظ زمونږ ذمه واري ده
د رائے د اظهار په آزادۍ بشپړ باور لرو٬د رياست د مفاداتو تحفظ زمونږ ذمه واري ده | APP Pashto service
