اسلام آباد 05 اګست (اے پي پي) وزيراعظم عمران خان د صنعت او پېداوار وزارت ته د سټيل ملز بحالۍ هلې ځلې د ګړندۍ كولو امر كولو سره وئيلي دې چې د سټيل ملز د زيان نه بچ كولو د دې بحالۍ ته حكومت وړومبۍ پاملرنه كوي۔ وزيراعظم دا خبرې د پاكستان سټيل ملز بحالۍ پحقله د پېشرفت د جاج غونډې مشري كولو په مهال كړې۔ په غونډه كښې د تجارت سلاحكار عبدالرزاق داؤد، د خزانې سلاحكار عبدالحفيظ شېخ، د صنعت او پېداوار وزارت سېكتر ٬ د نجكارۍ ډويژن او نور چارواكو ګډون وكړو۔ وزيراعظم ته د سټيل ملز په موجوده صورتحال، د مل بندېدو له امله په شوي زيان٬ د سټيل مل بحالۍ په لر كښې د موجوده حكومت لخوا په شويو پرېكړو تر اوسه د پېشرفت په اړه وزيراعظم ته تفصيلي بريفنګ وركړو۔ وزيراعظم ووئيل سټيل مل تر كال 2008 ګټوره اداره وه كومه چې په كال 2009 كښې زيان سره مخ شوې او په كال 2015 د جون په مياشت كښې دا په بشپړه توګه بند كړې شوې۔ اداره پرله پسې زيان سره مخ وه٬ يوازې د ملازمانو د تنخاګانو په مد كښې حكومت 37 كروړه په مياشتنۍ توګه برداشت كوي۔ وزيراعظم ته ووئيل شول چې تر اوسه د سټېل ملز په ذمه د واجباتو په مد كښې 217 اربه روپو ته رسېدلې دي۔ وزيراعظم ووئيل سټيل ملز د زيانونو نه بچ كولو او د دې بحالي د حكومت وړومبۍ ترجيح ده۔ ده ووئيل د يوې ګټورې ادارې تباهي د ماضي د بدانتظامۍ او بې غورۍ واضح مثال دے۔ وزيراعظم عمران خان ووئيل چې د صنعت او پېداوار وزارت دې د سټيل ملز بحالۍ هلې ځلې د ګړندۍ كړې شي
وزيراعظم عمران خان د صنعت او پېداوار وزارت ته د سټيل ملز بحالۍ هلې ځلې د ګړندۍ كولو امر وكړو
وزيراعظم عمران خان د صنعت او پېداوار وزارت ته د سټيل ملز بحالۍ هلې ځلې د ګړندۍ كولو امر وكړو | APP Pashto service
