اسلام آباد 27 جون (اے پي پي) داخله چارو لپاره د قامي اسمبلۍ د قائمه كمېټۍ چيئرمېن راجه خرم نواز وئيلي دي د ترهګرۍ لعنت خاتمې لپاره به ټولو له كردار ادا كول وي٬ سياسي ګوندونه دې په اختلافات هېرولو د هېواد په سلامتيا كښې كردار ولوبوي۔ د زيارت په ورځ د پارلمان نه بهر ميډيا سره په خبرو كښې ده ووئيل ټولو ته معلومه ده چې په سوات كښې چې كومه پېښه رامخې ته شوې او څه موده وړاندې د داسو ډيم ترهګرۍ پېښه شوې٬ بايد مونږ ټول د دې لعنت خاتمې لپاره كردار ولوبوٶ دغسې چې خپل هېواد مخ په وړاندې بوځوو۔ ده ووئيل په ماضي كښې هم د ترهګرۍ پېښې شوې ٬ پخوانۍ وزيراعظمه بېنظير بھټو هم شهيده كړې شوې٬ اتيا زره پاكستانو د ترهګرۍ په ضد قربانۍ وركړي چې پكښې د پاك پوځ ځوانان هم شامل دي ۔ ده ووئيل د قام په حېث به مونږ له د ترهګرۍ مقابله كول وي٬ كه پوځي عمليات كېږي نو بايد ټول قام ئې بشپړ ملاتړ وكړي۔ د يوې پوښتنې په ځواب ده ووئيل په پاكستاني سياست كښې د مخالفت برائے مخالفت كلتور وده مومي٬ دلته تعميري تنقيد نه كېږي بلكې تنقيد برائے تنقيد كېږي۔ده ووئيل وزيراعظم شهباز شريف چې لكه څنګه پرون ٶئيلي دي ټولو سياسي ګوندونو له په ګډه مخ په وړاندې تګ ته اړتيا ده او ټولو سياسي ګوندونو له د اختلافات په هېرولو د هېواد سلامتيا لپاره كردار لوبول پكار دي۔
سياسي ګوندونه دې په اختلافات هېرولو د هېواد په سلامتيا كښې كردار ولوبوي۔ راجه خرم نواز
سياسي ګوندونه دې په اختلافات هېرولو د هېواد په سلامتيا كښې كردار ولوبوي۔ راجه خرم نواز | APP Pashto service
